ირაკლი ოქრუაშვილი პატიმრობიდან გაათავისუფლეს
პარიზის სასამართლომ დღეს საქართველოს ყოფილი თავდაცვის მინისტრი ირაკლი ოქრუაშვილი პატიმრობიდან გაათავისუფლა, - ამის შესახებ "ინტერპრესნიუსს" მოძრაობა "ერთიანი საქართველოსთვის" წარმომადგენელმა თამარ რუხაძემ აცნობა.
ოქრუაშვილის გათავისუფლების დეტალები პარტიის წარმომადგენლისთვის ჯერჯერობით უცნობია. ბრალდებულის ქართველმა ადვოკატმა ეკა ბესელიამ კი "ინტერპრესნიუსს" განუცხადა, რომ სასამართლომ ირაკლი ოქრუაშვილის გათავისუფლების შესახებ გადაწყვეტილება უკვე მიიღო და ის ციხეს გარკვეული პროცედურების დასრულების შემდეგ დატოვებს. წყარო : http://www.interpressnews.ge/
