↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

*** მზე ღრუბლებიდან გამოქექილი

ფუტკარაძე ნიკა

2025-02-201 წთ საკითხავი1330 ნახვა

—
მზე ღრუბლებიდან გამოქექილი,
ისევ ნაცარში არის ჩამძვრალი,
შეხსნილ პერანგში ირმის რქებივით,
გაშლილა შენი ლავიწის ძვალი.
ღამე იღვრება როგორც ნავთობი,
მზე კი ჩამქრალი ასანთის ღერი,
მოულოდნელად გახდი დამთმობი,
მოულოდნელად გახდა დამღლელი -
ის მისამღერი რომ ღიღინებდი,
შენ უფრო მეტი გაქვს გასამხელი
და ხერხემალზე როგორც ღილები,
გახსნას ითხოვენ შენი ხალები.
ნუ გაზღაპრდები, ნუ გამითდები,
ნუ დაუჯერებ ამბებს არაკებს,
ვალაპარაკოთ ჩვენი თითები,
სანამ თითები გვალაპარაკებს.

ფუტკარაძე ნიკა: სხვა ნაწარმოებები

მსგავსი ნაწარმოებები

დესპანი