↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

*** სულ არაფერი გვქონდა საერთო

ფუტკარაძე ნიკა

2025-02-201 წთ საკითხავი1331 ნახვა

—
სულ არაფერი გვქონდა საერთო,
ერთი-მეორის წყურვილის გარდა,
შენთვის ოცნება მსურდა – დამეთმო,
სული ანგრევდა სხეულის გარსს და...
ხდებოდა უფრო უხეში, მკვრივი,
(აქ სჯობს სათქმელის, უბრალოდ, ართქმა)
და ტკივილიდან გაჩენილ ტკივილს,
ჩვილივით სტოვებ ჩემ სახლის კართან.
იგი იზრდება ჩემში და ბოლოს
წურბელასავით ჯდება ძარღვებთან,
ისევ ვუკიდებ წითელ `მალბოროს”
და ვნანობ, ვნანობ, კარის გაღებას.
გადააფარა მიწა მეწყერმა
იმ ადგილს, სადაც ერთმანეთს ვერთვით
და წვიმასავით უცებ შეწყდება,
ჩემს და შენს შორის ჩამდგარი ღმერთი.
გაგახსენდება... გამახსენდება...
გაგვახსენდება… რაც არ - ან ვერ ვთქვით...
ანუ მიყვარხარ..

ფუტკარაძე ნიკა: სხვა ნაწარმოებები

მსგავსი ნაწარმოებები

დესპანი