↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

მე კი მიყვარხარ სწორედ ასეთი _ აუხსნელი და გაუგებარი

ბარბაქაძე ცირა

2026-07-181 წთ საკითხავი1672 ნახვა

—
ამბობ, სიტყვებმა ვერ მოაღწიეს
შენამდე... დარჩნენ გაუბედავი...
მე კი მიყვარხარ სწორედ ასეთი _
აუხსნელი და გაუგებარი...
მე ხომ არ ვიცი, რომელი სიტყვა
მოაქვს შენამდე ქარსა და ნიავს,
სათქმელი უკვე ფიფქებით ითქვა
და ახლა ღრუბლებს ცისაკენ მიაქვს...
მე ხომ არ ვიცი, შენთვის ვინა ვარ,
გიწერ ბარათებს, აღარ გიგზავნი,
ჩემთვის, ლექსებში დაგაბინავე,
ჩემი ცხოვრების არსიც, მიზანიც...
შენ ხარ და მეტი რა უნდა გითხრა,
მე შენი სუნთქვის ვრჩები ხიზანი.
უკვე ბალახი მოედო სიტყვას,
ისე ნაზი და გაუბედავი...
რა ვქნა...
მიყვარხარ სწორედ ასეთი _
აუხსნელი და გაუგებარი!
ბარბაქაძე ცირა

ბარბაქაძე ცირა: სხვა ნაწარმოებები

მსგავსი ნაწარმოებები

დესპანი