↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

შენი ბროწეულები

ნადირაძე ნინია

2013-05-121 წთ საკითხავი3551 ნახვა

—
ბროწეულები იხევენ სამოსს,
გარეთ ატლასი, შიგნით ათასი.
ამ ადრიანი ნოემბრის გამო
უკვე დაიხა ასიათასი.
ყუნწებს იმტვრევენ მანდარინები,
ზოგი გაზაფხულს იხატავს ზურგზე.
ალბათ ნამდვილად გადაირევი,
თუ ვერ გადარჩი დეკემბრის ზღურბლზე.
იქნებ ეს ღამეც ისე გაირღვეს,
ისე გაიხსნას გული შუაზე,
რომ გათენების წრედი დაირღვეს,
გადაიბირო შენებრ ჭკუაზე.
შენს აივანზე ჩამოეკიდა
წითელ გუნდათა წყება და რიგი
ალბათ აყვავდნენ ბროწეულები,
ამიტომ გახდი ასეთი მშვიდი.
გადაფრცქვნილია უმწეო ბაღი,
ბროწეულები იხლეჩენ სამოსს.
ჩამოხეულა ოქტომბრის თაღი
ამ ნაადრევი ნოემბრის გამო.

ნადირაძე ნინია: სხვა ნაწარმოებები

მსგავსი ნაწარმოებები

დესპანი