↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

გზა-კვალი

ხალვაში ფრიდონ

2016-05-121 წთ საკითხავი52776 ნახვა

—
მთაში წყარო დაიბადა
პაწაწინა,
წყარო კორდმა ლურჯ კალთაში
ჩაიწვინა.
წყაროს სურდა საკუთარი
გზის გაკვლევა,
ბალახებში თვალი ფრთხილად
აკამკამა.
დაინახა იქვე მრავლად
რუ-ღარები,
თქვა არ მინდა, სხვის გაკვალულს
არ გავყვები.
კენჭთა შორის, ფესვთა შორის,
ღერთა შორის
თითო ყლუპად შესვან ჩემი
თითო თქორი.
დავიღლები, დავიკლებ თუ
დავიღვრები,
სჯობს, სიცოცხლე გავიგრძელო
ხამი გზებით.
გავიკვალო, მზეს ვეჩვენო
დაწმენდილი,
არ მენახოს მოსვენება,
დღე ადვილი.
და გამივლის ყველა
წყენა-იარები,
ვივლი ასე სახელიან
მდინარემდი.
დავშრე უმალ, თუ ეს ჟინი
შემიმცირდა, _
მთას გავავლო კვალი ჩემი
ერთი ციდა.
1971
ხალვაში ფრიდონ

ხალვაში ფრიდონ: სხვა ნაწარმოებები

მსგავსი ნაწარმოებები

დესპანი