↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

დე, ასე მოხდეს

ხალვაში ფრიდონ

2016-05-121 წთ საკითხავი52769 ნახვა

—
დე, ასე მოხდეს, _
დავიჩოქო მე შენ წინაშე,
მე _ დამნაშავემ შენი რისხვა დავიმსახურო
და ჩემი სიტყვით გამოხატულ
ცისფერ მირაჟებს
მწარე ცრემლებმა
ნისლის ფრთები გადაახუროს.
და შენი მზერა,
მზერა, როგორც ლაზერის სხივი,
სჭრიდეს ჩემ მიერ აშენებულ
სამყაროს სფეროს,
ის განთიადი მივამგვანო
საყვარელ ღიმილს
და მივეფერო, მივეფერო და მივეფერო.
1966
ხალვაში ფრიდონ

ხალვაში ფრიდონ: სხვა ნაწარმოებები

მსგავსი ნაწარმოებები

დესპანი