↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

დღე იყო ჩუმი

ხალვაში ფრიდონ

2016-05-121 წთ საკითხავი52773 ნახვა

—
დღე იყო ჩუმი
და სევდით სავსე,
ნიავმა ნელა
მაინც მობერა
და ყველაფერში
მძიმედ ბოლავდა
უკანასკნელი დამშვიდობება.
თავის ქსელს
დინჯად ქსოვდა ობობა,
გზას ევლებოდა
ქსელი სურვილის,
დაქანაობდნენ
ცაში ნისლები,
თოკზე გაკიდულ
თეთრეულივით.
ჩვენ გვაწვებოდა
სიცარიელე,
ვით მწვერვალიდან
მომსკდარი ზვავი,
გზა ჩანდა მხოლოდ,
სხვა არაფერი,
გზას მიყვებოდა
მწუხარე მგზავრი.
1982
ხალვაში ფრიდონ

ხალვაში ფრიდონ: სხვა ნაწარმოებები

მსგავსი ნაწარმოებები

დესპანი