↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

ია

ხალვაში ფრიდონ

2017-05-121 წთ საკითხავი52775 ნახვა

—
მე მაგონდება ყრმობა, ტყე-ველი,
როცა მოიფენს იებს სამოსად.
"ია" _ ამ ორი მარცვლით შევძელი
წიგნში პირველი სიტყვის ამოხსნა.
როცა ნამიან კორდებს ავივლი
და ორთქლს მომახვევს ყანა დამბალი,
მგონია, მინდვრის თითო ყვავილი
არის ბუნების თითო ანბანი.
აქ გაზაფხული დგება პირსავსე,
მე მოზეიმე ველებს გავცქერი
და სიყვარულით მშობელ მიწაზე,
აპრილს ვკითხულობ იით დაწერილს.
1955
ხალვაში ფრიდონ

ხალვაში ფრიდონ: სხვა ნაწარმოებები

მსგავსი ნაწარმოებები

დესპანი