↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

იალაღების ბალახი

ხალვაში ფრიდონ

2017-05-121 წთ საკითხავი52772 ნახვა

—
იალაღების ბალახი მომწონს,
დილის ანკარა ცვრით შებოლილი,
ცვარზე ნთება მზის,
ვით მწყემსი გოგოს
მწვანე კაბაზე წითელი ღილი.
ყიშლაღს ალერსით ეხვევა კვამლი
და რძით ივსება თეთრი ბადია,
კიბესთან, სადაც ჩხრიალებს წყალი,
ცულდასობილი ჯირკი აგდია.
იალაღების ბალახი მიყვარს,
კორდზე სირბილი კვლავ მომინდება...
ჩაფიქრებული შევყურებ ცისკარს
რომ ჩემი ფიქრი გაიგონ მთებმა.
1967
ხალვაში ფრიდონ

ხალვაში ფრიდონ: სხვა ნაწარმოებები

მსგავსი ნაწარმოებები

დესპანი