↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

იყალთოზე ფიქრის დროს

ხალვაში ფრიდონ

2017-05-121 წთ საკითხავი52772 ნახვა

—
თვალწინა მყავს თამარი,
თვალწინა მყავს რუსთველი,
თვალწინა მყავს ქაჯეთიც,
ქართველი რომ სძულს და მტრობს.
თვალწინა მყავს ერეკლე,
ბრძენი, მტრის შემმუსვრელი,
თვალწინ საქართველოა,
იყალთოზე ფიქრის დროს.
მე ამ კედლებს ვენდობი,
აქ მზითა ვარ ავსილი,
გადაფენილ ფერდობებს
ქსოვს შვინდი და ასკილი.
აქ, ბილიკებს, შარაგზებს,
კაცთა ფეხქვეშ გაცვეთილს,
ისევ ბრგე და ლამაზი
მოჰყვებიან კაცები.
ქვებს რომ ქვები უყვარდეთ,
ეს აქ შემიმჩნევია,
მკვიდრად ჩახუტებიან
აგურები აგურებს.
ამ მიწაში და ქვაში
რომ სულია, ჩვენია,
მიხარია, აქ რომ ვარ
და გულიც აქაურობს.
1978
ხალვაში ფრიდონ

ხალვაში ფრიდონ: სხვა ნაწარმოებები

მსგავსი ნაწარმოებები

დესპანი