↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

სძინავს პატარას

ხალვაში ფრიდონ

2017-05-121 წთ საკითხავი52778 ნახვა

—
სძინავს პატარას,
ჩემს თამთას სძინავს
და მისი სუნთქვის
რომ იფენს ნიავს,
უტოკავს ძარღვი
ხესა და მიწას.
სინორჩის მადლი,
სუფთა და კარგი,
ედება სივრცეს,
სახეებს, საგნებს,
ღრმავდება უფრო
სხვა სიღრმის სიბრძნით
იქ, თაროზე რომ
მოჩანს, ის წიგნიც.
ჩემთვის
ერთსა და იმავეს ნიშნავს
თვალის გახელა
და წიგნის გაშლა;
სძინავს პატარას,
ჩემს თამთას სძინავს.
1980
ხალვაში ფრიდონ

ხალვაში ფრიდონ: სხვა ნაწარმოებები

მსგავსი ნაწარმოებები

დესპანი