↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

ჩონგური

ხალვაში ფრიდონ

2023-05-121 წთ საკითხავი52768 ნახვა

—
შენ, ტკბილხმიანო ჩემო ჩონგურო,
სიმღერა შენს ხმას რომ აეწყობა,
ლამაზი ჰანგი სულში ჩარგული
ამ დედამიწას, მჯერა, ეყოფა.
ჩვენებურ სიტყვას გადაეგრიხა
შენი ხმა ცრემლში, სისხლში ნაწური,
შენი კვნესა და ხალისი მიყვარს
ასე ნაცნობი, ასე კაცური.
არ დაიღალო, არ დაისვენო,
ხმის შადრევანი არ დაიდაბლო,
სიმღერის დედავ, ჩონგურო ჩვენო,
დაულეველო ცეცხლო და აბლო.
1967
ხალვაში ფრიდონ

ხალვაში ფრიდონ: სხვა ნაწარმოებები

მსგავსი ნაწარმოებები

დესპანი