↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

ჩუმად, ჩუმად!

ხალვაში ფრიდონ

2023-05-121 წთ საკითხავი52773 ნახვა

—
ჩუმად, ჩუმად!
მოვისმინოთ მთის ნიავში,
რას მეტყველებს და რას გვიმხელს
მიწის გული,
გული ჩვენი სისხლის წვეთით,
ჩვენი ცრემლით,
ჩვენი კვნესით, ჩვენი ლოცვით დაბუგული.
მშობლიურო მთის ნიავო, ნაღვლიანო,
დაუვარცხნე ტყეს ქოჩორი სევდისფერი,
მომეხვიე, მომეთბუნე, მომეფერე,
მომაყარე ხიხანის და ტაოს მტვერი.
მუხლმოყრილი გელი, ხელებგაშვერილი,
ჩამეღვარე, ჩახსნილია ცხელი მკერდი,
მთების სულო, ნაცნობი ხმა გამაგონე,
არ დანელდე, არ ჩაქრე,
არ შემიჩერდე!
1978
ხალვაში ფრიდონ

ხალვაში ფრიდონ: სხვა ნაწარმოებები

მსგავსი ნაწარმოებები

დესპანი