↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

ჭრელფრთებიანი ერთი პეპელა

ხალვაში ფრიდონ

2023-05-121 წთ საკითხავი52769 ნახვა

—
ჭრელფრთებიანი ერთი პეპელა
დაჯდა ფოთოლზე
და ჩემ მაგიერ ფოთოლს ეფერა.
მონუსხულივით ვიდექი ასე, _
ბუნებასავით
მეც ჩემი თავი ბუნებით ვავსე,
იყო ცოცხალი, ეს იმას ნიშნავს,
უნდა იცოცხლო, _
ვერ უნდა მოგკლას სიკვდილის შიშმა.
მამყოფე შენფრად, მიწავ, ყვავილო,
რომ ეს წვიმები
და ჩანჩქერები თავს გადავივლო:
მეც თქვენს ფერებში, თქვენს გაფრენებში,
გადარეული,
ვიხარჯებოდე ბგერა ბგერებში.
1977
ხალვაში ფრიდონ

ხალვაში ფრიდონ: სხვა ნაწარმოებები

მსგავსი ნაწარმოებები

დესპანი