პოეზია · ლირიკა
საშველი
საშველი არის, როგორ არ არის.ოღონდ ნურარა ნუ მოგინდება.ნუ მოინდომებ საყვარელ მხარისთავისუფლებას და მის დიდებას.საშველი არის, თუ დახრი თვალებსდა უარს იტყვი ფუჭ ოცნებაზე.უარმყოფელი ცხოვრების ძალებს,თუკი მიუშვებ თავის ნებაზე.თუ წახვალ ჩუმად იქიდან, სადაცარის ცდუნება ბედნიერების.თუ არ ინაღვლებ დანაკარგს ათასს,ქმედების სურვილს თუ მოერევი.თუ სანთლის ალებს და ფერად ხატებსარაფერს არ თხოვ, ჩუმად იქნები.თვითუარყოფას გულში თუ დატევ,თუ არ მოძებნი საშველს ფიქრებით.თუ არ ეცდები ფიქრით სულელითამოხსნა დიდი სირთულე არსის.თუ დაშრეტილი გახდი სრულებით,საშველი არის, როგორ არ არის...