პოეზია · ლირიკა
*** "საქართველოზე ნურაფერს მეტყვი"
საქართველოზე ნურაფერს მეტყვი,მამძიმებს მეტად მისი ტანჯვები,თუმცა კი მიყვარს და უფრო მეტიც,მაგრამ ეს გრძნობა არის დამსჯელი.ნურაფერს მეტყვი საქართველოზე,ნურაფერს მეტყვი, მე იგი მტანჯავს.ნეტა ქართულ სულს არ დაველოცემსოფლიო ხედვის მიღმა რომ დარჩა.მაგრამ ყველაფერს მაინც ვერ წავშლი,სადღაცა არის მარადისობაც.მარადისობის რომელ რთულ აზრშიმართლდება, ნეტა, ქართული ყოფა.რითი მართლდება ამდენი ტანჯვა,ჭარბ ტკივილისგან გამარტივება.სულის გაყიდვა, ერთგულთა დასჯა,მალული გლოვა და ატირება.და ბედნიერი მსოფლიოს გვერდითარარაობად მიჩნევა თავის.რითი მართლდება, რომელი ხვედრითდაკარგულობის ეს განცდა შავი.მაგრამ ყველაფერს მაინც ვერ წავშლი,სადღაცა არის მარადისობაც.მარადისობის რომელ რთულ აზრშიმართლდება ნეტა ქართული ყოფა.