↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

სარეანიმაციო ბლოკი 7

ჭანტურია ტარიელ

2009-09-121 წთ საკითხავი20026 ნახვა

—
გულო, უნდა მენდო: არაფრად არ მჭირდები!მე -სიკვდილი მინდა და სამოთხის ჩიტები!
თქვენც, თვალებო, მენდეთ -არ მჭირდება თვალები,მე -ბურანი მინდა, სიტკბო გარდაცვალების...
არ მჭირდება აწი არც ღვიძლი და არც კუჭი!ის წალკოტი მინდა, და ფერადი ფასკუნჯი!
დანახვაც კი არ მსურს ამ ფეხის და ამ ხელის! -წუთი მინდა - დიად საიდუმლოს გამხელის...
ნუ ირჯებით ჩემთვის სისხლის გადასასხმელად -უკვდავების წყაროს მპირდებიან სასმელად...
სულ შეწუხებულო და სიკვდილის მეჭველო,შენ რას გიშლი, ტვინო, მე რომ უცეებ მეშველოს...
არ მჭირდება სხეული - ასო-ასო აცმა! -მიწას ჰქონდეს სახსოვრად, რაც არ მაქვს და რაც მაქვს...
არ მჭირდება, მენდეთ, ცრუ კაშკაში დიდების! -სხვა ქვეყანა მინდა, სხვა სამოთხის ჩიტები...
ჭანტურია ტარიელ

ჭანტურია ტარიელ: სხვა ნაწარმოებები

მსგავსი ნაწარმოებები

დესპანი