ცოტნე გამსახურდია ”დუმილის უფლების გამოყენებას არ აპირებს”
დაკავებული ცოტნე გამსახურდია ”დუმილის უფლების გამოყენებას არ აპირებს”
[შორენა პაპაშვილი]სახელმწიფო გადატრიალების მცდელობისა და ჯაშუშობის ბრალდებით ქართველმა სამართალდამცველებმა თბილისის საერთაშორისო აეროპორტში საქართველოს პირველი პრეზიენტის ზვიად გამსახურდიას ვაჟი ცოტნე გამახურდია დააკავეს. იგი ამჟამად კონსტიტუციური უსაფრთხოების დეპარტამენტის შენობაში იმყოფება და ბრალს სავარაუდოდ დღეს წაუყენებენ.
მთელი დღის განმავლობაში ზვიად გამსახურდიას ვაჟის დაკავების ფაქტს შინაგან საქმეთა სამინისტროს ანალიტიკურ დეპარტამენტში არც ადასტურებდნენ და ვერც უარყოფდნენ.
პოლიტიკური პარტია ”თავისუფლების” ლიდერი კონსტანტინე გამსახურდია მომხდარს ხელისუფლების მხრიდან ექს-პრეზიდენტ ზვიად გამსახურდიას ოჯახის წინააღმდეგ მიმართულ მორიგ ანგარიშწორებას უწოდებს და აცხადებს, რომ ცოტნეს დაკავება აბსურდული ბრალდების საფუძველზე მოხდა.
კონსტანტინე გამსახურდია არ გამორიცხავს, რომ ცოტნე გამსახურდიას დაპატიმრება იმ დიდი რეპრესიების დასაწყისი იყოს, როლის გატარებასაც აპირებს პრეზიდენტი სააკაშვილი “საკუთარი დანაშაულის დასაფარავად.”
ახალი რეპრესიების თავიდან აცილების მიზნითა და ცოტნე გამსახურდიას გათავისუფლების მოთხოვნით, პოლიტიკური პარტია “თავისუფლების” ლიდერი მიმართავს საერთაშორისო საზოგადოებასა და ადამიანის უფლებათა დამცველ ორგანიზაციებს პრეზიდენტ სააკაშვილის ხელისუფლებაზე ზეგავლენა მოახდინონ.
- “ვგმობ ხელისუფლების ოპონენტთა და მისთვის არასასურველი პირების დაპატიმრების პრაქტიკას, რომელსაც იყენებს საქარტველოს ხელისუფლება დრიდან მისი არსებობისა”, - აცხადებს კონსტანტინე გამსახურდია.
ცოტნე გამსახურდიას დაკავების საქმის დეტალების შესახებ ინფორმაციის არქონის გამო, რესპუბლიკური პარტიის წევრი ლევან ბერძენიშვილი ამ ეტაპზე კომენატრისაგან თავს იკავებს, თუმცა არ გამორიცხავს, რომ ”საქართველოში სამშობლოს ღალატის ბრალდებით პოლიტიკოსების დაპატიმრება კვლავაც გაგრძელდეს”.
თავად ცოტნე გამსახურდია ”დუმილის უფლების გამოყენებას არ აპირებს და გამოძიებასთან თანამშრომლობას იწყებს”, - უცხადებს ჟურნალისტებს ცოტნე გამსახურდიას ადვოკატი ელგუჯა ახალაია.
მისივე ინფორმაციით, მისი დაცვის წვეშ მყოფი თავს კარგად გრძნობს და სამართალდამცველების მიმართ პრეტენზიას არ გამოთქვამს.
ჯაშუშობისა და კონსტიტუციური წყობის ძალადობით შესაცვლელად შეთქმულების ორგანიზების ბრალდებების დადასტურების შემთხვევაში გამსახურდიას 20-წლიანი პატიმრობა ემუქრება.
კონსტიტუციური უსაფრთხოების დეპარტამენტის შენობასთან დღეს მივიდა საქართველოს პირველი პრეზიდენტის ზვიად გამსახურდიას ქვრივი მანანა არჩვაძე-გამსახურდია და განაცხადა, რომ ცოტნე გამსახურდია სამშობლოს სიყვარულისთვის დააპატიმრეს.
- ”ჩემი შვილი სამშობლოს სიყვარულისთვის დააპატიმრეს, ისევე, როგორც ზვიადს აპატიმრებდნენ ხოლმე. როგორც ეტყობა, ეს ჩვენი ოჯახის ბედისწერაა, რადგან ცოტნეს მთავარი ბრალდებაც ის არის, რასაც წლების განმავლობაში ზვიად გამსახურდიას უყენებდნენ. შესაბამისად, ცოტნეც სამშობლოს ისეთი მოღალატეა, როგორიც ზვიად გამსახურდია იყო”, - აცხადებს იგი.
2007 წლის ნოემბერის მოვლენების დროს გენ.პროკურატურის მიერ ცოტნე გამსახურდია, რამდენიმე ოპოზიციონერ ლიდერთან ერთად სახელმწიფო გადატრიალების ორგანიზებაში ეჭვმიტანილ პირად დასახელდა. ამასთან დაკავშირებით ტელევიზიით გამოქვეყნდა სატელეფონო საუბრების ჩანაწერები, სადაც ცოტნე გამსახურდია ნოემრებში, პრეზიდენტ სააკაშვილის თანამდებობიდან გადადგომის მოთხოვნით თავისუფლების მოედანზე გამართული მრავალათასიანი მიტინგების დროს, ოპოზიციონერ ლიდერებს მერყეობას საყვედურობდა და მათ პარლამენტის შენობაში შეჭრას ურჩევდა.
ცოტნე გამსახურდიას რუსეთის სპეც-სამსახურებთან თანამშრომლობაშიც ადანაშაულებენ. დედის - მანანა არჩვაძე-გამსახურდიას ინფორმაციით, ცოტნე ”იზვესტია.რუ”- ში მუშაობდა პოლიტოლოგად. ერთ-ერთ თავის მიმართვაში წერდა: ”საერთოდ საზოგადიებაში ხშირი იყო დისკუსია, - ნატო თუ ტერიტორიული მთლიანობა? შესაძლებელია თუ არა ნატოში შესვლა და ამავე დროს დაკარგული ტერიტორიების დაბრუნება? უნდა ითქვას, რომ მიხეილ სააკაშვილმა არჩევანი ტერიტორიული მთლიანობის სასარგებლოდ გააკეთა”.
ქართული-რუსული საომარი მოქმედებების დროს კი იგი ოჯახის წევრებს თბილისში ჩამოსვლის შეხაბ წერილობით ატყობინებდა და ამბობდა, რომ აპირებდა პუბლიკაციის გამოქყევნებას, სადაც რუსეთის პრეზიდენტის დიმიტრი მედვედევის პოლიტიკას გააკრიტიკებდა - “უახლოეს დღეებში საქართველოში ჩამოვალ, ამათ თუ გამოვაღწიეო”. ამ წინასწარი შეტყობინების წყალობით პირველი პრეზიდენტის ვაჟი კუდ-ის თანამშრომლებმა აეროპორტში, თვითმფრინავიდან ჩამოსვლისთანავე დააკავეს.
http://presa.ge/index.php?text=news&i=3830