ლევან გაჩეჩილაძე: “მიხეილ სააკაშვილს ჯერ პირდაპირ ეთერში ვეტყვი, რა კაცია და მერე ილაპარაკოს მთავრობაზე!”
ზვიად ძიძიგური: “ეს არის ძველი მინისტრთა კაბინეტი და გურგენიძე იქნებოდა პრემიერი თუ მგალობლიშვილი, ამას არავითარი მნიშვნელობა არ აქვს, რადგან არც ერთი წყვეტდა რამეს ქართულ პოლიტიკაში და არც _ მეორე. ერთს მოლარის ფუნქცია ჰქონდა, ამასაც მოლარის და გამანაწილებლის ფუნქცია ექნება. სააკაშვილი ეტყვის, იმას ამდენი ჩაურიცხეო და ეს არის მათი ფუნქცია. ამ ქვეყანაში პრემიერს არანაირი ფუნქცია არა აქვს!”
ეკა ბესელია: “ეს მთავრობა სააკაშვილის ხელისუფლების ადეკვატურია. ფერი ფერსა და მადლი ღმერთსაო. ისინი ისევ სახლობანას თამაშს და კარუსელის სისტემას აგრძელებენ. რეალურად, არაფერი იცვლება. გარემოს დაცვის მინისტრი მომღერალი ხაჩიძე იქნება, თუ კულტურის მინისტრი ვაჩეიშვილის მაგივრად საგარეო საქმეთა მინისტრის მოადგილე, რა მნიშვნელობა აქვს? სააკაშვილს არც ერთი ძალოვანი უწყების ხელმძღვანელი არ უნდა დაეტოვებინა, როგორ შეიძლება, წაგებული ომის შემდეგ თავდაცვის და შინაგან საქმეთა მინისტრის პასუხისმგებლობის საკითხი არ დადგეს? იგივე საგარეო საქმეთა მინისტრი, რეინტეგრაციის მინისტრი, რომელიც თავისი აბსურდული და კურიოზული განცხადებებით მალე გინესის რეკორდებში შევა!”
კობა დავითაშვილი: “მინისტრთა კაბინეტი? ასეთ ორგანოს საქართველოში არ ვიცნობ. არის სააკაშვილი და სააკშვილის ღამის თათბირი და მხოლოდ შემადგენლობა იცვლება ხოლმე.”
www.Fact.ge