ტელერადიოკორპორაცია "იმედის" გენერალურმა დირექტორმა ლუის რობერტსონმა განცხადება გაავრცელა
ტელეკომპანია "იმედში" გუშინ განვითარებულ მოვლენებთან დაკავშირებით ნიუს მედიას კავკასიის აღმასრულებელმა დირექტორმა, ტელერადიოკორპორაცია "იმედის" გენერალურმა დირექტორმა ლუის რობერტსონმა განცხადება გაავრცელა. განცხადების ტექსტს უცვლელად გთავაზობთ:
"გუშინ ტელერადიოკორპორაცია "იმედზე" განხორციელდა ვანდალური თავდასხმა. ქვეყანაში საგანგებო მდგომარეობის გამოცხადებამდე, ყოველგვარი წინასწარი შეტყობინების გარეშე, გაურკვეველი ძალოვანი სტრუქტურების ნიღბიანი, კბილებამდე შეიარაღებული პირები უხეში ძალით შემოიჭრნენ ტელევიზიისა და რადიოს შენობებში და აიძულეს კომპანიის თანამშრომლები, შეეწყვიტათ მაუწყებლობა.
არანაირი ოფიციალური დოკუმენტი დღემდე არ ყოფილა წარმოდგენილი, არც ერთ ოფიციალურ პირს ტელერადიოკორპორაციის ხელმძღვანელებისთვის არ მიუწოდებია ახსნა-განმარტება უფლება-მოვალეობების შესახებ.
რამდენიმე საათის განმავლობაში ტელევიზიისა და რადიოს ასობით თანამშრომელი განიცდიდა მძიმე მორალურ, ფსიქოლოგიურ ტერორს, ფიზიკურად დაზარალდნენ ჟურნალისტები და ტექნიკური პერსონალი.
მიუხედავად იმისა, რომ ტელერადიოკორპორაციის ხელმძღვანელობამ და თანამშრომლებმა ყველაფერი იღონეს, რათა მინიმუმამდე დაეყვანათ ძალადობის მაპროვოცირებელი წინაპირობა, შემოჭრილმა ნიღბოსნებმა თითქმის მთლიანად დაარბიეს შენობები და ფაქტობრივად გაანადგურეს ძვირადღირებული აპარატურა.
უხეშად არის ხელყოფილი არა მარტო კორპორაციული, არამედ თანამშრომელთა კერძო საკუთრება. ტელერადიოკორპორაციის თანამშრომლებს ამ წუთებამდე არ დაბრუნებიათ მათი პირადი ნივთები, ხოლო დაბრუნებული ავტომანქანები გაძარცვულია.
მიგვაჩნია, რომ ყველა ეს ქმედება ხორციელდება საერთაშორისო ნორმების, საქართველოს კონსტიტუციისა და თვით საგანგებო მდგომარეობის შესახებ კანონისა და პრეზიდენტის მიერ გამოცემული დეკრეტის უხეში დარღვევით. უხეშად არის ხელყოფილი ჩვენი თანამშრომლების პროფესიული და ადამიანის უფლებები.
გამომდინარე აქედან, კატეგორიულად მოვითხოვთ პროცესების კონსტიტუციურ ჩარჩოში მოქცევას. მივმართავთ საერთაშორისო საზოგადოებას, მკაცრი შეფასება მისცეს საქართველოში სიტყვის თავისუფლების შეზღუდვასა და დამოუკიდებელი მედია-საშუალებების ვანდალური დარბევის ფაქტს.
მადლობას ვუხდი ჩვენს ქართველ და უცხოელ კოლეგებს, ასევე ჩვეულებრივ მოქალაქეებს, რომლებიც გვერდში გვიდგანან და მხარს გვიჭერენ ამ რთულ ვითარებაში და გვსურს დარწმუნებით განვაცხადოთ, რომ "იმედი" თავის მუშაობას კიდევ უფრო მეტი ენთუზიაზმით განაგრძობს საქართველოში თავისუფლებისა და სამართლიანობის იდეალების საბოლოოდ გასამარჯვებლად",-აღნიშნულია განცხადებაში.
არანაირი ოფიციალური დოკუმენტი დღემდე არ ყოფილა წარმოდგენილი, არც ერთ ოფიციალურ პირს ტელერადიოკორპორაციის ხელმძღვანელებისთვის არ მიუწოდებია ახსნა-განმარტება უფლება-მოვალეობების შესახებ.
რამდენიმე საათის განმავლობაში ტელევიზიისა და რადიოს ასობით თანამშრომელი განიცდიდა მძიმე მორალურ, ფსიქოლოგიურ ტერორს, ფიზიკურად დაზარალდნენ ჟურნალისტები და ტექნიკური პერსონალი.
მიუხედავად იმისა, რომ ტელერადიოკორპორაციის ხელმძღვანელობამ და თანამშრომლებმა ყველაფერი იღონეს, რათა მინიმუმამდე დაეყვანათ ძალადობის მაპროვოცირებელი წინაპირობა, შემოჭრილმა ნიღბოსნებმა თითქმის მთლიანად დაარბიეს შენობები და ფაქტობრივად გაანადგურეს ძვირადღირებული აპარატურა.
უხეშად არის ხელყოფილი არა მარტო კორპორაციული, არამედ თანამშრომელთა კერძო საკუთრება. ტელერადიოკორპორაციის თანამშრომლებს ამ წუთებამდე არ დაბრუნებიათ მათი პირადი ნივთები, ხოლო დაბრუნებული ავტომანქანები გაძარცვულია.
მიგვაჩნია, რომ ყველა ეს ქმედება ხორციელდება საერთაშორისო ნორმების, საქართველოს კონსტიტუციისა და თვით საგანგებო მდგომარეობის შესახებ კანონისა და პრეზიდენტის მიერ გამოცემული დეკრეტის უხეში დარღვევით. უხეშად არის ხელყოფილი ჩვენი თანამშრომლების პროფესიული და ადამიანის უფლებები.
გამომდინარე აქედან, კატეგორიულად მოვითხოვთ პროცესების კონსტიტუციურ ჩარჩოში მოქცევას. მივმართავთ საერთაშორისო საზოგადოებას, მკაცრი შეფასება მისცეს საქართველოში სიტყვის თავისუფლების შეზღუდვასა და დამოუკიდებელი მედია-საშუალებების ვანდალური დარბევის ფაქტს.
მადლობას ვუხდი ჩვენს ქართველ და უცხოელ კოლეგებს, ასევე ჩვეულებრივ მოქალაქეებს, რომლებიც გვერდში გვიდგანან და მხარს გვიჭერენ ამ რთულ ვითარებაში და გვსურს დარწმუნებით განვაცხადოთ, რომ "იმედი" თავის მუშაობას კიდევ უფრო მეტი ენთუზიაზმით განაგრძობს საქართველოში თავისუფლებისა და სამართლიანობის იდეალების საბოლოოდ გასამარჯვებლად",-აღნიშნულია განცხადებაში.
