↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

ამ მზემ რა იგრძნო

თოთაძე ლალი

2026-07-181 წთ საკითხავი715 ნახვა

—
ამ მზემ რა იგრძნო გამთენიისას,ამოიღმერთა როცა გორიდან,ხერთვისის თავზე დამდგარო ნისლო,გადმოხვეწილო დამფრთხალ გნოლივით,ჩემო ასკილო, შემოგევლები,თავები ვცვალოთ, მოდი, ტიალი,მე _ შენ წილი ბასრი ეკლები,შენ _ ჩემი შხამი და ხეტიალი.შენ აქეთ-იქით წახვალ, ჩაივლი,მე კი _ სიცოცხლე ორად გაყოფილს,გაზაფხულობით თეთრი ყვავილი,შემოდგომაზე ძოწის ნაყოფი.სულგაგზავნილი, როგორც სამყარო,გაბრუებული სიკვდილს ძილით,ზამთრობით ვიყო მშვიდი, საპყარი,დაყუდებული და დაძონძილი.ვცვალოთ ერთურთი, შემოგევლები,შვებას გამოვთხოვ ეკლიან ტოტებს,ზოგჯერ გათანგულს შენი თვალებითქარი დამისტვენს და შემატოკებს.კაცის უფიქრალს ვიფიქრებ მეცა,ამითრთოლდება ეკლები წვრილიდა ჩამეღვრება სხვა მზე და ზეცა _ბალახების და მინდვრების წილი.

თოთაძე ლალი: სხვა ნაწარმოებები

მსგავსი ნაწარმოებები

დესპანი