↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

შორი პური

იათაშვილი შოთა

2026-07-181 წთ საკითხავი6928 ნახვა

—
ადამიანი მოვიდა შენთან და ჩაგეხუტა...პური ჩამოდო მაგიდაზე, გამოიარა რაღაც მანძილი,მოვიდა შენთან, ჩამოგისვა სულზე ცოცხი და ჩაგეხუტა...ადამიანი მოვიდა შენთან... მანამდე პურის მაღაზიაში იყიდა პური,გამოვიდა დილის ქუჩაში,გადმოჭრა ქუჩა, მოვიდა შენთან,ჩამოგისვა შუბლზე სიზმარი და ჩაგეხუტა...ადამიანი მოვიდა შენთან.. თვალი ჰქონდა პატიოსანი დაპური თბილი...ის გამოაცხო ცხელ თონეში, წიფლის შეშაზე,მერე ხელის წვით ამოიღო, გამოიქცა ალიონისმშვიდ სიგრილეში, მოარბენინა შენს მაგიდამდე,ყვავილების ქოთანსა და მაწვნის ქილას შორის ჩამოდო,მოვიდა შენთან, ჩამოგისვა გულზე ფქვილი და ჩაგეხუტა...ადამიანი მოვიდა შენთან... მანამდე, წინდღით,მოიკიდა ზურგზე ტომარა, წისქვილს წავიდადოლაბების სამზერლად და წყლის ჩხრიალის მოსასმენად,ხორბალი კი ჩამოიფქვა, როგორც იყო ძველი წესიდა რიჟრაჟზე მეწისქვილეს დაუქნია ხელი კაცმა,წამოვიდა შენი სახლისკენ, გზად ლავაში გამოაცხო,მოვიდა და ჩამოგიდო მაგიდაზე,ჩამოგისვა ტუჩზე სითბო და ჩაგეხუტა...ადამიანი მოვიდა შენთან... შორეული ყანებიდანნამღერი და ნაჯაფარი მოვიდა შენთან...არაფერი მოჰყოლია სიმდიდრე ბევრი...მხოლოდ ერთი თბილი პური...ის ჩამოდო მაგიდაზე, მოვიდა შენთან,ჩამოგისვა მიწა ცაზე და ჩაგეხუტა...ადამიანი მოვიდა შენთან... ნაბიჯი ჰქონდა პატიოსანი დახელი დიდი...მან ჩამოგისვა სულზე ცოცხი, ჩაგიხუტა დასამომავლოდ ერთი პური კიდევ აღგითქვა...
იათაშვილი შოთა

იათაშვილი შოთა: სხვა ნაწარმოებები

მსგავსი ნაწარმოებები

დესპანი