↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

*** ქურდებში ხარ და

ფირცხალაიშვილი ზურაბ

2026-07-181 წთ საკითხავი2411 ნახვა

—
ქურდებში ხარ და შენც ქურდულად გიჭირავს თავი,
ლოთებში ხარ და შავ ღვინოს სვამ აზარფეშებით,
მიამიტი ხარ, ქედმაღლობა თუ არ შეგშვენის…
მიდის მდინარე და მდინარეს მიჰყვება ნავი.
იქნება მოხდეს და გამჟღავნდეს თეთრი და შავი,
ეს თვალთმაქცობა არსმენილი დაგიჯდეს ძვირად,
ყროყინის გამო თუმც ითვლები აქ მთავარ ვირად...
მიდის მდინარე და მდინარეს მიჰყვება ნავი.
რა უნდა გკითხო, თავად უწყი კარგის და ავის,
საამსოფლიო სიხარულის, ტანჯვის და გვრემის,
ო, ავიცენა, ბედაურო არაბულ რემის...
მიდის მდინარე და მდინარეს მიჰყვება ნავი.
გარკვეულ დრომდე, ჯერჯერობით მეც ვირად ვრჩები,
კურთხევა ვირებს, ვირის შვილებს სალამი ჩემი!...

ფირცხალაიშვილი ზურაბ: სხვა ნაწარმოებები

მსგავსი ნაწარმოებები

დესპანი