↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

*** ბევრს იცოცხლებ

ფირცხალაიშვილი ზურაბ

2026-07-181 წთ საკითხავი2410 ნახვა

—
ბევრს იცოცხლებ და სასწაულის მოწმეც გახდები,
კმაყოფილია ამ ფურორით შემცბრი მღვდლები,
მათ სახარებას მოთმინებით ისმენენ მგლები -
როგორ მოუხდათ ჰალსტუხები, შავი ბაფთები...
ისკარიოტელს რომ უნდოდა, ის ამინდია,
ასე მგონია, ეშმაკიც კი გადიჭრის ვენებს,
ჩვენში დარჩეს და პატივცემულ მგელ-კაც-ჯენტლმენებს,
ღმერთიც და კაციც სულ ერთიან ფეხზე ჰკიდიათ.
სულ სხვა სურვილებს შეუჭირხლავს სულის თავანი,
რისი სიწმინდე, რა მამული , ერი და ბერი,
ამგვარ საფიქრალს რა ხანია დაედო მტვერი,
გოლგოთა მგლისთვის ხრიოკი და უწყლო მთა არი...
ვისთან ვიჩივლო, როცა უფალს დღე აქვს დუმილის,
ქარებს ამბოხის დაკარგვიათ ზნე და სურვილი...

ფირცხალაიშვილი ზურაბ: სხვა ნაწარმოებები

მსგავსი ნაწარმოებები

დესპანი