↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

შენ გადაივლი (თარგმანი: ჟუჟუნა ხაჯიშვილი)

ცვეტაევა მარინა

2026-07-181 წთ საკითხავი2073 ნახვა

—
Normal 0 false false false RU X-NONE X-NONEშენ გადაივლი ცის დასავალზე,
ნახავ მიმწუხრის გასხივოსნებას.
შენ გადაივლი ცის დასავალზე,
კვალი ქარბუქით წარიხოცება.
აღუშფოთველი - წყნარად ჩაივლი
მყუდრო თოვაში ფანჯრებთან ახლოს.
ო, მშვენიერო უფლის რჩეულო,
ამ ჩემი სულის ნათელში სახლობ!
მაგრამ შენს სულში - ვერ ჩავიხედავ!
გაქვს შეუვალი გზა და სავალი.
ამბორისაგან ფერმიხდილ ხელებს
ვერ დაეჭდობა ჩემი სამსჭვალი
და ვერც სახელით ვერ დაგიძახებ...
და ვერც მკლავებით მკლავებს მივწვდები,
მხოლოდ ცვილისგან ჩამოქნილ სახეს
ავავსებ შორი თაყვანისცემით
და ნელ თოვაში მარტოკა მდგარი
მე დავიჩოქებ მუხლებზე უხმოდ,
რომ შენი წმინდა სახელის გამო
საღამოს თოვლზე ამბორი ვუყო -
ნაკვალევს, სადაც დიდებულ ნიშნით
მიენდე სივრცეს, დუმილმოფენილს,
იმ წყნარ ნათელში - დიდების სხივში -ხარ ჩემი სულის ყოვლადმპყრობელი.
ცვეტაევა მარინა

ცვეტაევა მარინა: სხვა ნაწარმოებები

მსგავსი ნაწარმოებები

დესპანი