↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

აიშე

ხალვაში ფრიდონ

2015-05-121 წთ საკითხავი52780 ნახვა

—
იცით, დედაჩემს ერქვა აიშე,
ვხედავ ძველ ფაცხას, მიყვარს ის ჭერი...
ჩემი ფიქრები დგანან ქარებში
და ჩემს გაფრენილ დღეებს იჭერენ.
სკივრში ფაქიზად ედო ჩადრები
და მარხულობდა ყველა რამაზანს,
ეწყინა, როცა ღვინით დავთვერი, _
ცოდვაა შვილო, ნუ იქმ ამასო.
მაგრამ მღეროდა ღვინობისთვეზე
ერთ ძველ სიმღერას მალულ კაეშნით,
ძველი ქვევრები პირებს ივსებდნენ,
მაჭრის სურნელი ქროდა ქარებში.
იცით, დედაჩემს ერქვა აიშე,
მისი ხმა ჩემში მარად იჟღერებს,
ჩემი დარდები დგანან ქარებში
და ჩემს გაფრენილ დღეებს იჭერენ.
1975
ხალვაში ფრიდონ

ხალვაში ფრიდონ: სხვა ნაწარმოებები

მსგავსი ნაწარმოებები

დესპანი