↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

გულწითელა ჩიტი

ხალვაში ფრიდონ

2016-05-121 წთ საკითხავი52777 ნახვა

—
გულწითელა ჩიტი
მოდის ყოველ დილას
და მიტომაც სარკმელს
მას ვუტოვებ ღიას.
ნეტა ვინ ხარ, ჩიტო,
ვისი სულის ელჩი?
რატომ შეგეშინდა,
ჩიტო, შემო შინა,
სულ არაფერს გერჩი.
მოაბრუნა ფრთხილად
თავი პაწაწინა,
თვალი პაწაწინა
შემომაციმციმა,
ძირს ნისკარტი დაჰკრა, _
რაღაც დამიბარა,
და თეთრ არყის ხეებს
უცებ მიეფარა.
ჩემთვის ჩუმად ვჩივი:
_ როდის მოვა ჩიტი?
ამდენ მოლოდინებს,
ამდენ გულისტკივილს
კიდევ მოემატა
ერთი მოლოდინი.
1982
ხალვაში ფრიდონ

ხალვაში ფრიდონ: სხვა ნაწარმოებები

მსგავსი ნაწარმოებები

დესპანი