↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

დაბრუნების სილამაზე

ხალვაში ფრიდონ

2016-05-121 წთ საკითხავი52779 ნახვა

—
ატლანტიკაზე თვალს აფახურებს
ჩვილი ცისკარი, ლბილად ნათდება,
ხედავს ბოცმანი და მეზღვაურებს
ვეღარ აღვიძებს, ჩანს ეხათრება.
ავდრის ტბორები ცაზე შემოშრა,
ოქროდ აბზინდა მზე ზღვის თამაშში,
მაგრამ რა არის საქართველოში
დაბრუნებაზე უფრო ლამაზი?
ადექით, ძმანო, მზე დღეს ვარდია,
შინ მიმავალი გზა გულს ახარებს,
ადექით, ძმანო და ამ განთიადს,
სველი მკერდები კვლავ შეახალეთ!
ადექით, ძმანო, სულში შეუშვით
დღე _ მთელი ღამის ნაფიქრ-ნააზრი,
ძმანო, რა არის საქართველოში
დაბრუნებაზე უფრო ლამაზი?!
1974
ხალვაში ფრიდონ

ხალვაში ფრიდონ: სხვა ნაწარმოებები

მსგავსი ნაწარმოებები

დესპანი