↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

ერთი სოფლის

ხალვაში ფრიდონ

2017-05-121 წთ საკითხავი52770 ნახვა

—
ერთი სოფლის,
ერთი კუთხის
მეხოტბე ვარ? _
არა, ამას ვერ დამწამებს
მე ვერავინ!
ვერ ვიცოცხლებ,
თუ არ ცოცხლობს
ჩემში რწმენა,
რომ ვარ მთელი საქართველოს
მომღერალი.
მიკვირს, _
სადღაც ჩემი კუთხის
ბედის გამო,
ხან ლაყბობენ,
ხან ტყუიან,
ხან ღელავენ.
ნუ ჰგონიათ,
მე მინდოდეს მეტი რამე,
ვიდრე ვიყო
საქართველოს მომღერალი.
მე ქართულმა
სიტყვამ მზარდა მშობელივით,
მე მისი ვარ,
ის ჩემია სამუდამოდ,
ჩემში მისი სხივი
მიტომ მოფენილა,
თავად მას რომ
ბედისწერა გავუდარო.
1988
ხალვაში ფრიდონ

ხალვაში ფრიდონ: სხვა ნაწარმოებები

მსგავსი ნაწარმოებები

დესპანი