↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

ვუმზერ: ზეცა ხან უსასრულოა

ხალვაში ფრიდონ

2017-05-121 წთ საკითხავი52774 ნახვა

—
ვუმზერ: ზეცა ხან უსასრულოა,
ხან არის ხელის ერთი მოდება,
ხანაც იქიდან შორი ჩურჩულით
თითქოს ვიღაცა მიახლოვდება.
ღელვით მოივლის ფიქრი პლანეტებს,
სხივებს გააბამს, როგორც ობობა _
და მეამება იმ ვარსკვლავების
შორი ალერსი და ნაცნობობა.
ზოგჯერ, საღამოს დავჯდები ზღვასთან
და ვაკვირდები მაღალ მნათობებს,
ნეტავი ასე რად ციმციმებენ,
ნეტავი ასე რას კამათობენ?
1963
ხალვაში ფრიდონ

ხალვაში ფრიდონ: სხვა ნაწარმოებები

მსგავსი ნაწარმოებები

დესპანი