↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

კახელებთან თქმული

ხალვაში ფრიდონ

2017-05-121 წთ საკითხავი52771 ნახვა

—

გიორგი ნატროშვილს

საქართველოს წარსული
იყო მუდამ ასეთი:
დუშმანს პირველ ხვდებოდა
აჭარა და კახეთი.
ქვეყნის პირველ ძახილზე
სცემდა ბრძოლის ნაღარას,
ორი გმირი ქართველი, _
კახეთი და აჭარა.
_ საქართველო იქნება,
მზე ქართული არ ჩავა! _
სისხლდაცლილნი იძახდნენ
კახეთი და აჭარა.
_ რა ვარამსაც ვზიდავდით,
რა ჭირსაც ჩვენ ვიტანდით, _
ამბობს ტაო-კლარჯეთი,
ამბობს ფერეიდანი.
სხვა საშველი არ იყო,
მტრის ხმლებს მკერდებს ვახევდით,
ჩვენ _ კედლებად დამდგარნი,
აჭარა და კახეთი!
ძმებო, ქუხდეს მარადჟამს
კახეთიც და აჭარაც:
_ საქართველო იქნება,
მზე ქართული არ ჩავა!
1970
ხალვაში ფრიდონ

ხალვაში ფრიდონ: სხვა ნაწარმოებები

მსგავსი ნაწარმოებები

დესპანი