↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

ღიმილი

ხალვაში ფრიდონ

2017-05-121 წთ საკითხავი52781 ნახვა

—
მე თუ ვიღიმი, ვიღიმი თქვენთვის,
აბა ვინ ხედავს საკუთარ ღიმილს,
სახეებიდან კეთილი კეთილს
ერთვის და გულიც ხალისით ღვივის.
ნუ შეაჩერებთ მოწოლილ ღიმილს,
ყვავილებს გაშლას ნუ აუკრძალავთ,
შენით შემოდის სინათლე დილის,
ღიმილო, ჩემი არსების ძალავ!
როცა წუთები წაგართმევს იმედს,
ხსნაა, ერთმანეთს თუ გავუღიმებთ,
მაშ, გავინათოთ ღიმილი იმით,
რომ სიყვარული გვიყვარდა უფრო
და, გაზაფხულის ყვავილებივით,
ჩვენ ერთმანეთი ღიმილით ვკურნოთ.
1966
ხალვაში ფრიდონ

ხალვაში ფრიდონ: სხვა ნაწარმოებები

მსგავსი ნაწარმოებები

დესპანი