↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

ღმერთის მზერა ხარ თუ მზის ალერსი

ხალვაში ფრიდონ

2017-05-121 წთ საკითხავი52775 ნახვა

—
ღმერთის მზერა ხარ თუ მზის ალერსი?
კარგი ხარ, მკერდზე გაზის ვარდები,
ამ გულს კი არა, ამის გარეშე
ვიცი, მიწასაც გაუხარდები.
შენკენ მოვდივარ,
შენკენ მოვრბივარ,
შენკენ მოვცურავ, შენკენ ვისწრაფვი,
წარბები ფრთებგაშლილი ორბია,
თმები _ ნაპირზე შლილი ზღვის ქაფი.
შენ გელოდები შინ თუ შორეთში,
დაუვიწყარო რწმენის ნიშანო,
ცილისწამებამ, ეჭვმა, ჭორებმა
მე შენი მოსვლა ვერ დამიშალოს.
1978
ხალვაში ფრიდონ

ხალვაში ფრიდონ: სხვა ნაწარმოებები

მსგავსი ნაწარმოებები

დესპანი