↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

ცხრაასი წლის

ხალვაში ფრიდონ

2023-05-121 წთ საკითხავი52773 ნახვა

—
მაშინ, მთელი ჭოროხი რომ
ჩვენს მიწაზე დიოდა,
ნიკოფსიით დარუბნამდი
ჩვენსას ჩვენი ჰქვიოდა.
ეს აჭარა, იმერხევი,
ტაო, შავშეთ-კლარჯეთი
მამულს მეწინავედ ჰყავდა,
სიბრძნით და სიმარჯვეთი.
მაშინ, ვინაც შეჰკრა ქართველთ
ერი ერთად, ერადა,
ვინც ქვეყანას ჰყავდა მმართველ-
ბატონ-პატრონ-ბელადად.
დღეს მიწაში წევს და გულზე,
თეთრად ნისლაკალთული,
ფეხს აბიჯებს სასოებით
გაზაფხული ქართული.
და ნიავი ჩვენებური, _
მთების სუნთქვა-სურნელი
ამბობს: იმგვარ სიძლიერეს
სამშობლოსას სულ ველი.
და მეც ახლა მეჩვენება:
მტრის რამდენის გამდენი,
კაცი აღმაშენებელი,
ცხრაასი წლის ქართველი,
შემოივლის კიდით-კიდე
ჩვენს კუთხეებს და უბნებს,
რომ მისებურ _ დიდებულად,
ერთმანეთთან დავბრუნდეთ.
1990
ხალვაში ფრიდონ

ხალვაში ფრიდონ: სხვა ნაწარმოებები

მსგავსი ნაწარმოებები

დესპანი