↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

* * * ძლივს შემეჩვიე

ნიშნიანიძე შოთა

2010-08-121 წთ საკითხავი24948 ნახვა

—
ძლივს შემეჩვიე... და მტუქსავ თითით:"არ შეიძლება... აკრძალულია"...თურმე შეჩვევა ყველაზე დიდი,ყველაზე სანდო სიყვარულია.
შენი ჩურჩული მე შევიყვარე,როგორც ოჯახის დიდი ნუგეში,შენი ჩურჩული არხევს ფიჭვნარებს,ბალახად წვება ჩიტის ბუდეში.
მე შენს ჩურჩულში ვარ შეყუჟული,მთვრალი ვარ შენით და საღამოთიდა მეჩვენება, შენი ჩურჩული,სადღაც, ბუხარში, კვამლად ამოდის.
მეხვევა ეგ ხმა, როგორც ვენახიდა რას აღმითქვამს, მინდა გავიგო.მაგ ჩურჩულიდან ვიღაც მეძახისგაუბედავად: "მამა... მამიკო..."
ძლივს შემეჩვიე... და მტუქსავ თითით."არ შეიძლება... აკრძალულია..."თურმე შეჩვევა ყველაზე დიდი,ყველაზე სანდო სიყვარულია.
ნიშნიანიძე შოთა

ნიშნიანიძე შოთა: სხვა ნაწარმოებები

მსგავსი ნაწარმოებები

დესპანი