ბურჯანაძეს საქართველოს მიზანმიმართულ დისკრედიტაციაში ადანაშაულებენ
ამასთან, მისი თქმით, სააკაშვილს არ შეიძლება კარგი პოზიციები ჰქონდეს.
- “შემიძლია ვთქვა, რომ ძნელი წარმოსადგენია კარგი პოზიცია ჰქონდეს ქვეყნის პრეზიდენტისთვის, რომელსაც ასეთი დიდი პრობლემები აქვს. არა მგონია, რომ ის კომფორტულად გრძნობდეს თავს და იმაზე უკეთ ან ძლიერად, ვიდრე აქამდე იყო,” - აცხადებს ნინო ბურჯანაძე.
ამის შემდეგ კი ნინო ბურჯანაძე გაზეთ “ფაინეშელ თაიმსისთვის” მიცემულ ინტერვიუში პრეზიდენტისგან და მისი გუნდისგან მოითხოვს, “საკუთარ ხალხს სიმართლე უთხრან” დამოითხოვს დამნაშავეების დასჯას.
ამ განცხადებების ერთობლიობა ქმნის ისეთ შთაბეჭდილებას, რომნინო ბურჯანაძემ იცოდა, ომის დაწყებას სააკაშვილი რომ აპირებდა და გააფრთხილა ასე არ მოქცეულიყო. ახლა კი აცხადებს, რომ ქართველმა ხალხმა სიმართლუ უნდა გაიგოს და დამნაშავეები უნდა დაისაჯონ.
თუკი ბურჯანაძის ზოგადად თავშეკავებულ პოზიციებს გავიხსენებთ, რაც მას აქამდე ჰქონდა, ცხადია, ეს განცხადებები გარკვეულ კითხვებს აჩენს. თუმცა, თავად ბურჯანაძესთან “რეზონანსმა” საუბარი ვერ მოახერხა იმის გამო, რომ იგი საქართველოში არ იმყოფება და ინტერვიუებს მხოლოდ უცხოურ მედიას აძლევს.
თუმცა, ფაქტია, რომ ბურჯანაძე არცთუ უმნიშვნელო განცხადებებს აკეთებს. ამასთან, როგორც ხელისუფლების წარმომადგენლები პირად საუბრებში ამბობენ, ბურჯანაძე ასეთი განცხადებებით და რაც მთავარია, უცხოელ პარტნიორებთან შეხვედრებისას გაკეთებული განცხადებებით, მიზანმიმართულადცდილობს საქართველოსთვის პრობლემების შექმნას.
მიუხედავად ამისა, ბურჯანაძის ამ განცხადებებზე საპარლამენტო ოპოზიცია უფრო მკაცრ შეფასებებს აკეთებს, ვიდრე ხელისუფლება. თუმცა, ორივე მათგანი მიიჩნევს, რომ ბურჯანაძის განცხადებები მის საკუთარ პოლიტიკური მიზნებთანაა დაკავშირებული.
- “პირველ რიგში მინდა გითხრათ, რომ მე ეს განცხადებები არ მინახავს. მაგრამ, არ ვიცი, რა სიმართლეზე შეიძლება იყოს ლაპარაკი. ხელისუფლებას არც ქართული და არც საერთაშორისო საზოგადოებისთვის არანაირი ინფორმაცია არ დაუმალავს. რაც შეეხება იმ პირებს, ვისაც უნდათ, რომ ეს საკითხი პოლიტიკური დივიდენდებისთვის გამოიყენონ, ეს უხერხულია. მე ვფიქრობ, რომ დღეს ამ საკითხებზე ქალბატონი ბურჯანაძის მხრიდან საუბარი უბრალოდ უხერხულია, მეტი რომ არაფერი ვთქვათ,” - აცხადებს უმრავლესობის წარმომადგენელი პალიკო კუბლაშვილი.
რაც შეეხება იმას, თუ რატომ უნდა იყოს უხერხული, პალიკო კუბლაშვილი აცხადებს:
- “იმიტომ, რომ ყველაზე მეტად მას უნდა ესმოდეს, რამდენად შეესაბამება ეს სიმართლეს და ყველა ასეთ განცხადებას რა ზიანის მოტანა შეუძლია არა ხელისუფლებისთვის, არამედ ქვეყნისთვის”.
აღსანიშნავია, რომ საპარლამენტო ოპოზიცია ბურჯანაძის ამ განცხადებებს მისი პირადი პოლიტიკური მიზნებით ხსნის.
- “სიმართლე გითხრათ, მე მისგან ველოდებოდი კონკრეტული პოზიციის ჩამოყალიბებას ქარტიასთან დაკავშირებით. დღევანდელი მდგომარეობიდან გამომდინარე, გამომდინარე იქიდან, რომ ამ ქვეყანაში კიდევ არის ოკუპირებული ტერიტორიები, შესაბამისად, ისევ არის მუდმივი საფრთხე თავდასხმისა და მთელი ქვეყნის ოკუპაციისა, ამ დოკუმენტზე ხელმოწერა უფრო აქტუალურია. რაღაცპოლიტიკურ მიკუთვნებულობაზე და პოლიტიკურ ორიენტირებზე გათვლა და ამ თემით ახალი დივიდენდების გაკეთება მიუღებელია,” - აცხადებს საპარლამენტო უმცირესობის წარმომადგენელი გიორგი ახვლედიანი.
ამასთან, მისი თქმით, ასევე არ არის პრეზიდენტის პასუხისმგებლობაზე და გადაყენებაზე საუბარის დრო, ვინაიდან, მისი თქმით, ეს “რუსული სცენარის გათამაშება” იქნება.
- “რაც შეეხება პრეზიდენტის პასუხისმგებლობას, მე ვთვლი, რომისევ არსებული რეალობიდან გამომდინარე ამაზე, საუბარი რთულია.ძნელია რაიმე პასუხისმგებლობაზე საუბარი, ვიდრე არ გარკვეულა დეტალებში, თუ რამ გამოიწვია ეს პროცესები.
- “ჩვენ ბევრჯერ გვაქვს ნათქვამი, რომ როდესაც დრო იქნება, ჩვენ დავსვამთ ამ კითხვებს და მოვითხოვთ პასუხებს. ამის დრო კი ახლა ნამდვილად არ არის. ასე ჰარიჰარალედ ამის თქმა, რომ ახლა ამის პასუხისმგებლობა დავაყენოთ და ახლა იმის, თან მარტო იმიტომ, რომ რადიკალური დამოკიდებულებების ადამიანების გული მოიგო, ეს მიზანშეწონილად არ მიმაჩნია. მით უმეტეს, რომ ახლა სწორედ რუსეთს აქვს იმის მცდელობა, რომ ეს ხელისუფლება დამნაშავედ გამოაცხადოს და ყველაფერი მათ დააბრალოს. ამიტომ ასე ღიად რუსული თამაშის თამაშს არავის ვურჩევდი”, - აცხადებს გიორგი ახვლედიანი.
თუმცა, იგი მიიჩნევს, რომ ბურჯანაძე რუსეთის ინტერესებს შეგნებულად არ ატარებს.
- “რა თქმა უნდა, მე ამის თქმა არ მინდა. მაგრამ, ფაქტია, რომ ასეთმა ნაბიჯებმა ამ ვითარებაში, შესაძლოა, ხელი შეუწყოს იმ მიმართულების გაძლიერებას, რაც რუსეთს აქვს საქართველოს მიმართ. მე არანაირი სურვილი არ მაქვს, რომ საქართველოში ასეთი ერთი პოლიტიკოსი მაინც არსებობდეს. ქალბატონ ნინოს დიდ პატივს ვცემ, მაგრამ არანაირი სურვილი არ მაქვს ისეთ ადგილას აღმოჩნდეს, რაც მას არ შეეფერება და რაც მთავარია, ქვეყნის ინტერესში არ შედის,” - აცხადებს გიორგი ახვლედიანი.
მისი თქმით, პრობლემა ის არის, რომ “ასეთი განცხადებები იდეაში სწორედ რადიკალურად განწყობილი ადამიანების გულის მოსაგებად კეთდება და მე ვთვლი, რომ ამ ვითარებაში ეს არისარასწორი ქმედება თუნდაც საკუთარი პოლიტიკური დივიდენდების მოსაპოვებლად.”
აღსანიშნავია, რომ ამ მოსაზრებას ოპოზიციის სხვა წარმომადგენლებიც იზიარებენ.
- “მე ვხედავ, რომ ვიღაც-ვიღაცეებს ამ თემის გახმოვანება უკვე თვითმიზნად ექცათ. ეტყობა, ზოგიერთი პოლიტიკოსი თავის დამკვიდრებას ამით ცდილობს და მარტო ბურჯანაძეს არ ვგულისხმობ. რა თქმა უნდა, ქვეყნის მთავარსარდალმა პასუხი უნდა აგოს იმ შედეგებზე, რაც ქვეყანაში დადგა. მაგრამ, ეს უნდა მოხდეს იმ დროს, როდესაც იქნება საქმე შესწავლილი და იქნება მყარი არგუმენტები იმასთან დაკავშირებით, რომ ნამდვილად დამნაშავეა”.
- “ორი თემა უნდა გავმიჯნოთ ერთმანეთისგან. ერთი არის სახელმწიფოებრიობის გადარჩენის საკითხი და მეორე არის ხელისუფლების კრიტიკა. რა თქმა უნდა, ეს აუცილებელია და ამასარც ჩვენ არ ვაკლებთ, მაგრამ ზოგიერთ პოლიტიკოსს ეს გამყოფიზღვარი ეშლება. ქვეყნისთვის საქმის კეთება სააკაშვილისერთგულებას არ ნიშნავს. სააკაშვილის წინააღმდეგ ასეთი განცხადებების კეთება კი ნიშნავს ქვეყნის საწინააღმდეგოს,” - აცხადებს გიორგი ცაგარეიშვილი.
რაც შეეხება იმას, თუ რა სიმართლის გაცხადებას ითხოვს ბურჯანაძე, ცაგარეიშვილი აცხადებს, რომ ხელისუფლება არაფერს არ მალავს.
- “ორი დღის წინ ოპოზიციას გიგა ბოკერიასთან და მიხეილ მაჭავარიანთან გვქონდა შეხვედრა და ამ ეტაპზე გავიგე მთავარი, რომ სააკაშვილს შეთანხმებებთან დაკავშირებით არ გადაუდგამს ისეთი ნაბიჯი, რაც ქვეყნის ინტერესების საწინააღმდეგო იქნებოდა. ამასთან, არაფერი არ არის ისეთი, რაც საზოგადოებისთვის არ თქმულა,” - აცხადებს გიორგი ცაგარეიშვილი.
ამასთან, იგი აცხადებს, რომ არსებობს დოკუმენტები, რომელიც უკვე აქვს საერთაშორისო საზოგადოებას, რომ ომი ქართულ მხარეს არ დაუწყია და “ქართველების მხრიდან ამის დაჟინებით მტკიცება, რომ ჩვენ დავიწყეთ, ღალატის ტოლფასია.”
- “რა ხდებოდა 8 აგვისტომდე, გასაგებია. რა ხდებოდა 12 აგვისტოს შემდეგ, ესეც გასაგებია. რა ხდებოდა 8-დან 12-მდე, ეს თუ არის გასაგები ქალბატონი ბურჯანაძისთვის, ან სხვა ჩემიკოლოგებისთვის? ამაზე უჩნდებათ კითხვები? ამ ოთხ დღეს რუსებმა რა უბედურება დაატრიალეს, ეს აინტერესებთ?
- “ჩვენ მივიღეთ უმძიმესი შედეგი რუსეთის ქმედებების გამო და ახლა მათი ინტერესის გატარება შეგნებულად თუ უნებურად, არის ყოვლად მიუღებელი. ჩვენ რომ რაიმე მიგვექარა, საერთაშორისო ოგანიზაციები აქამდე ცხვირიდან სისხლს გვადენდნენ.
- “ჩემი სურვილია, რომ ჩვენი ქვეყანა და ჩვენი ხალხი დავინდოთ და რაღაცა საკუთარი მიზნების გულისთვის მთელი ქვეყანა არ გავწიროთ. სააკაშვილით არ იწყება და არ მთავრდება საქართველო და იმისთვის, რომ სააკაშვილი არ იყოს, ქვეყანას პრობლემებს ნუ შევუქმნით. თუ ვინმე ქართველს უნდა, რომ ისე გამოიყვანოს, თითქოს ჩვენ დავიწყეთ ომი, ეს არ გამოუვა და ისტორიის გადაწერა არ მოხდება,” - აცხადებს გიორგი ცაგარეიშვილი.
http://presa.ge/index.php?text=news&i=3932