↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

დღეს ახალი წელია

ცუცქირიძე ლელა

2026-07-181 წთ საკითხავი3633 ნახვა

—
ჩამოვკიდეთ ბუხართან
საჩუქრისთვის წინდა,
მალე თოვლის ბაბუ
შემოაღებს ჭიშკარს.
რა ხმებია, ნეტავ?
თითქოს ვიღაც ხვრინავს,
ჩვენს წინდაში თაგუნიას
მოუწყვია ბინა!
შეუსანსლავს ტკბილეული,
დაუდვია ღიპი,
მთელი სახლი აიკლო
ფშვინვითა და ხვრინვით,
ალბათ მოსწონს ძალიან,
ჭრელ წინდაში ძილი!
თაგუნიას სიმსუქნისგან
არ გაირღვეს წინდა,
ძილისგუდა თაგუნა
გავაღვიძოთ ფრთხილად.
ჩუმად, ჩუმად, ჩუმად!
თაგუნიას სძინავს,
ეს ამბავი გვიამბო
ჭორიკანა ფიფქმა.
დღეს ახალი წელია,
კეთილები ვიყოთ,
თაგუნასაც ვაჩუქოთ
სათამაშო ფისო.
ცუცქირიძე ლელა

ცუცქირიძე ლელა: სხვა ნაწარმოებები

მსგავსი ნაწარმოებები

დესპანი