↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

*** ისევ აღზევდა ჩემი ქალაქი

ჩალაბაშვილი თემურ

2026-05-141 წთ საკითხავი1025 ნახვა

—
ისევ აღზევდა ჩემი ქალაქი,მიძინებული ჩემი სავანე,მხრებზე მაყრიან მთვარის ნამსხვრევებს -ამ წუთისოფლის ავან-ჩავანნი.მე სხეულიდან მინდა გაქცევა,სადმე შეშლილთა შემკრთალ საფარში,ხელს ვერ შემიშლის ზღვის მიმოქცევაჩავეჭიდები ტალღებს ფაფარში.ერთხელ ხომ მაინც უნდა დავეცე,რომ გავუბრწყინო მიწას ცისკარი,ჩემი სიმორცხვე ნუ გაგაოცებს,ნუ გაიკვირვებ - რად მივიჩქარი...მკვდარი იმედი მე არ მეკუთვნის,თვით სისხლის წვეთებს მწოვენ ქარები.და როგორც დაღლილ ბებერ მეგუთნეს,ხნულზე დამცვივა ალბათ თვალები.რა ვქნა, სამოთხის სახე მაოცებს,შენი იერი მარად მეფური.ნეტავი მიწის მარტივ ნაოჭებსთუ აქვს სიმშვიდე კვლავინდებური -შენ გეკითხები, ჩემო სიცოცხლევ,ვეღარ ვტეულვარ ფერთა გამაში,შენ ერთმა მაინც მინდა იცოდე,რომ არ არსებობს კაცი - თამაში.რომ ყოველივე არის ნუგეში,უცხო ლარნაკში დაჭკნენ ვარდები,რადგანაც ცრემლი სახლობს გუგებში,სადაც ვიწყებით - იქვე ვთავდებით...

ჩალაბაშვილი თემურ: სხვა ნაწარმოებები

მსგავსი ნაწარმოებები

დესპანი