↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

ქარიზმატული ტავტონეტი (ტავტოლოგიური სონეტი)

გიორგაძე მირიან

2025-02-201 წთ საკითხავი816 ნახვა

—
ხელიდან ხელში, ხიდან ხეში გადადის ქარი,
უუფლობას კი ვერ გრძნობს ქარი_ზეცის მიგრანტი,
შენი უბნიდან მოშორებას ქარივით ვჩქარობთ,
ნაბიჯებს უკან მიმქრალ ხეებს ქარი მირანდავს.
მოკლე ძელკამზე ვსხდებით, გქარგავს ქარაგმა ჩემი,
სიტყვით ვერ ვავსებ ქარში მთრთოლავ წვიმის დეფისებს,
თმას კვლავ გიწეწავს ქარის გრძელი, ზღვისპირა ხემი,
მსურს, ქარაფშუტა სიცივეში შენ რომ გეფიცხო,
ხოლო ტაეპში მოშრიალე სურნელი ქარის
კვლავ, უწინდურად, უწმინდურად ბობოქარია,
ვიქნებით ერთად სადმე, თუკი ქარი იქ არის,
თუ იქ ველურად დასეირნობს ქარის არია.
ჩვენ შევხვდით ქარში, ავიტაცეთ ნაბიჯი ჩქარი,
ხელიდან ხელში, ხიდან ხეში გადადის ქარი!

გიორგაძე მირიან: სხვა ნაწარმოებები

მსგავსი ნაწარმოებები

დესპანი