↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

ხე

გიორგაძე მირიან

2025-02-201 წთ საკითხავი812 ნახვა

—
რატომ, რა მიზეზით გარიყე
სახლთან, შენს ეზოში მდგარი ხე,
ნუთუ არ სჭირდება ჭას ჩრდილი,
კუნძი ჭის ქვევით დგას ჩაჭრილი.
რატომ, რა მიზეზით გარიყე,
დამწვარ ბალახზე წევს მკვდარი ხე,
შენთან აღარც ერთი ჩრდილია,
ცას ვერ ემალები დილიანს,
შენთან ჭის წყალიც კი თბილია,
რატომ რა მიზეზით გარიყე
სახლთან, შენს ეზოში მდგარი ხე,
მალე ალბათ სახლსაც გარიყავ,
მისი მასალა რომ არის ხე,
გამო ერთი თბილი კოცონის
სახლის დამტვრეულ ძვლებს მოწონი,
მზე კი ააცეცხლებს სახლი-კარს,
ქარი ხის ნაფოტებს ახიკავს.
რატომ, რა მიზეზით გარიყე,
სახლთან, შენს ეზოში მდგარი ხე...

გიორგაძე მირიან: სხვა ნაწარმოებები

მსგავსი ნაწარმოებები

დესპანი