↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

ვერხვები

გალაკტიონ ტაბიძე 1891–1959

2023-08-131 წთ საკითხავი95277 ნახვა

—
ყოველთვის, როცა დაბერავს ქარიდა ტყეს მთებისას გაიფრენს აფრად,ვერხვის ფოთოლთა თეთრი ლაშქარიაშრიალდება უშორეს ზღაპრად.ზღაპარი იგი მათრობს და მხიბლავსძველი ღვინის სმით, უგონოდ, მძაფრად,სადღაც დაკარგულ ვარდს და გვირილებსმოგონებებში ვიჭერ თანაბრად.ეს იყო წინად, დიდი ხნის წინათ...სად, როდის, რისთვის? არ ვიცი, არა!იყვენ ოდესღაც და მიეძინათ...ღელავს ფოთლების მწყობრი კამარა.მას შემდეგ ბედი და იალქანიქარის სიმძიმით გადაიხარა,შენ კი სადა ხარ ამდენი ხანი?რისთვის, ან ვისთან? არ ვიცი, არა!ეს იყო წინად, დიდი ხნის წინად,ეს იყო ვერხვის ფოთლების კვნესა.დრომ ყვავილებით დაგვაგვირგვინა,მე პაჟი ვიყავ, ის კი - პრინცესა.
1915წაღვერი
გალაკტიონ ტაბიძე

ავტორი

გალაკტიონ ტაბიძე 1891–1959

გალაკტიონ ტაბიძე (* 17 ნოემბერი, 1891, ვანის რაიონის სოფ. ჭყვიში ― † 17 მარტი, 1959, თბილისი), ქართველი პოეტი და საზოგადო მოღვაწე, საქართველოს სახალხო პოეტი (1933), საქართველოს მეცნიერებათა აკადემიის აკადემიკოსი (1944), XX საუკუნის ქართული პოეზიის ერთ-ერთი უდიდესი წარმომადგენელი, ლიტერატურული დაჯგუფების "ცისფერი ყანწები" ერთ-ერთი ლიდერი. პოეტის მამა -…

ყველა ნაწარმოები (1764) →

გალაკტიონ ტაბიძე: სხვა ნაწარმოებები

მსგავსი ნაწარმოებები

დესპანი