↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

გაზაფხული

აბაშიძე გრიგოლ

2026-07-181 წთ საკითხავი6572 ნახვა

—
ხე მწვანეს იცვამს, კვირტები ღვივის,გაზაფხულს ბევრი საქმე ჰქონია!თეთრ ყვავილს ჰფანტავს ხეების მწკრივიდა გეგონება _ მტკვარზე თქორია.
ფერი მოსვლიათ უკვე ჯეჯილთაც,თითქოს ბუნება მართლა ბავშვია _შეხედე, როგორ შრომობს ბეჯითად,როგორ ფუსფუსებს, რა ამბავშია!
დათბა და ლაჟვარდს გააქვს კაშკაში,ცაზე გაუბამთ მერცხლებს პწკარები,ასე მგონია, ამ გარდაქმნაშიმზეს და გაზაფხულს მეც ვეხმარები.
ჩავცქერი მიწას, ვუსმენ ბალახებსდა არაფერი მეუცხოება, _ჩვენც ხომ ვაშენებთ, ჩვენც ხომ ვანახლებთ,გაზაფხულია ჩვენი ცხოვრებაც.
რტოებზე კვირტი იღვიძებს თვლემით,უთვალავ აკვანს არწევს ბუნება...რად მინდა თავი, ცხოვრება ჩემითუ ამ ფერხულში არ მეგულება.
აბაშიძე გრიგოლ

აბაშიძე გრიგოლ: სხვა ნაწარმოებები

მსგავსი ნაწარმოებები

დესპანი