↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

სად არის, სად?!

სამადაშვილი ნიკო

2026-07-181 წთ საკითხავი11405 ნახვა

—
ღამეა წყნარი, არც ისე ბნელა,
შორს ჭრიჭინების ბაასი მეფობს.
თოვლის ქვეშ ზღაპარს იტყვის ენძელა
და შენ შეჰყვირებ კაცი, ვით ბექობს.
დაჩეხილ სხეულს, ამღვრეულ თვალებს,
ვინ დააბრალებს ხელდახელ მტრობას?
ბუხრის კვამლს გაჰყვა ის სიყმაწვილე,
თავქვეშ დაეგდო დიდ მარტოობას...
თოკით დავკოჭავთ აღრენილ ზარებს,
მოვლენ და წავლენ ნაცნობი მკვდრები...
კაცს, კაცს ეძიებთ, არ გეზარებათ?
იწამეთ ღამე და ნანგრევები.
შენი არ ვიცი, მე დავითენთე,
სად არის სადა... ქვეყნიერება?
როგორ არ მინდა რომ ხვალ გათენდეს,
როგორ არ მინდა ბედნიერება.

სამადაშვილი ნიკო: სხვა ნაწარმოებები

მსგავსი ნაწარმოებები

დესპანი