↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

წუხელ მესიზმრე

ხალვაში ფრიდონ

2023-05-121 წთ საკითხავი52773 ნახვა

—
წუხელ მესიზმრე,
წუხელ მესიზმრე,
ჩემო ბავშვობავ,
სახლო ფუხრულო,
შენც, დედაჩემო,
ისევ მესიზმრე,
ღამის ნამაზზე
ძირს დამუხლული.
ხელაპყრობილი
შეთხოვდი ალაჰს:
_ ღმერთო, გამჩენო,
შენ გეხვეწები,
მიეცი შვილებს,
მიეცი ამათ,
მე ამ ლოცვებით
რასაც ვეძებდი.
წუხელ მესიზმრე,
სახლო ფუხრულო,
თბილო ბუხარო,
ტკბილო ბალღობავ,
დედავ, ნამაზზე
ძირს დამუხლულო
და ყველაფერო,
რომ აღარ მოხვალ.
1987
ხალვაში ფრიდონ

ხალვაში ფრიდონ: სხვა ნაწარმოებები

მსგავსი ნაწარმოებები

დესპანი