↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

პა

ჰერელი (ზაზა სუყაშვილი)

2002-06-121 წთ საკითხავი2890 ნახვა

—
ხმაშეწყობილად ახმაურდნენ სოფლის მამლები,
მზემ პირმშო დილას მადლიანი სხივი აწოვა.
ვერ ვამჩნევ როგორ, რა სისწრაფით გადის, პა, წლები,
ვერ ვხვდები... ჰოდა ვეღარ გხედავ ნაცნობ საწოლთან!
-გახსოვს? -დილით რომ გაგაღვიძეს კატის კნუტებმა,
მერე ცელი რომ ჩამოხსენი ლეღვის ტოტიდან...
ამბობდი: მდელოც სიცხისაგან ჩაიხუთება,
თუკი გლეხ-კაცი თავის დროზე მას არ მოთიბავს.
თენდება, მოჩანს უშენობა სარეცელიდან,
ვცდილობ, ძახილი მოგაწვდინო... თუმცა ამაოდ!
პა, სამყურები მოსაცელად ისევ გელიან,
რომ ბასრი ცელი ცვარიანზე ააქანაო.
15 ივლ. 2011 წ.
ჰერელი (ზაზა სუყაშვილი)

ჰერელი (ზაზა სუყაშვილი): სხვა ნაწარმოებები

მსგავსი ნაწარმოებები

დესპანი