↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

თბილისს

გიორგი ლეონიძე 1899–1966

2025-05-131 წთ საკითხავი19198 ნახვა

—
(ვარიანტი)
შენი ეშხი უხილავივის და რომელს არ ახსოვდეს?მომღერალი სულ იყავი,მომტირალი - არასოდეს!
ვინ, ვინ იტყვის შენს დიდ გარჯას,რომ თან გული არ დასწოდეს?შენ იცნობდი მრავალ ტანჯვას,მაგრამ სირცხვილს - არასოდეს!
თუ წინაპართ ბაირაღიგაცვდა, მცნება არ გავწიროთ,საქართველოს ზეცის თაღი -არ ყოფილა უარწივოდ!..
იჯდა მტვერში ათას წყლულით,თითქოს ბედი დარაზოდეს,ასეჯერ იყო აკუწული,გასრესილი - არასოდეს!
ცეცხლის სულით, კაჟის გულით,არ უკრთოდა ქარაშოტებს,ბევრჯერ იყო გულმოკლული,მაგრამ მკვდარი - არასოდეს!
ბევრი ტყვია გვისროლია,მამულის კარს ვკეტდით მკერდით,დე, იცოდეს ისტორიამ,საამაყო გვქონდა ბედი!
ჩვენ მტარვალმა ვეღარ გვთელოს,რაგინდ ბადეს არა ჰქსოვდეს,დაჩოქილი საქართველოარ იქნება არასოდეს!
მინდა, შენი წელთაღრიცხვაკიდევ ბევრჯერ ათასობდეს,ასე სავსე და ლამაზიარ ყოფილხარ არასოდეს!
1960
გიორგი ლეონიძე

ავტორი

გიორგი ლეონიძე 1899–1966

გიორგი ლეონიძე დაიბადა 1899 წ. სოფელ პატარძეულში (საგარეჯოს რაიონი). 1918 წ. დაამთავრა თბილისის სასულიერო სემინარია, სწავლობდა თბილისის ახალგაზრდულ ქართულ უნივერსიტეტში.

ყველა ნაწარმოები (303) →

გიორგი ლეონიძე: სხვა ნაწარმოებები

მსგავსი ნაწარმოებები

დესპანი