↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

დომინო

გალაკტიონ ტაბიძე 1891–1959

2023-08-132 წთ საკითხავი95282 ნახვა

—
შევდივართ სასახლეში.წმინდაო, დამიცევ! სუროში საშიშრად მივარდნილ კედლებითეს სახლი მაგონებს დაწყევლილ სამარეს:აქ მკვდრები დაქრიან ზღაპრული რაშებით და ბედის ეტლებით.ჰაერი სიკვდილით დაფარეს...განდეგილ ცხოვრებით დღეგრძელი მოხუცი ცხოვრობდა აქ ერთ დროს.ვინ იყო? სახელი არავინ იცოდა.ათასგვარ წამლით და შელოცვით ეძებდა ბედნიერ სამკვიდროსდა მუდამ ფარული ღელვებით იწოდა...მის თვალწინ ქარივით დგებოდენ ყოველღამ ფერმკრთალი ქალები:სანთლების, წიგნების წყევლა და ვედრება!ისინი ტიროდენ, ისინი რეკავდენ თვალების რკალებით.რისხვა! ამხედრება!აქ ხშირად ვხედავდი საყვარელ აჩრდილებს:უეცარი გახელა, საოცარი შენობა,როგორ მოვანდომინო.მესმის უცხო სახელი, მტანჯავს მე უშენობა,იდუმალო დომინო!არაფერი ეშველა: ნიღაბები წითელი,ნიღაბები ათასი!მაგრამ მე მომეჩვენა ჩემი ცა უწინდელიუფრო უდიადესი.ლანდად სჩანდა ხელები და გეძებდი თვალებით,დაღალული თვალებით!რეკდენ ცისარტყელები ფერის ჩუმი ცვალებითდა მძაფრი გამალებით.წმინდაო, დამიცევ! სუროში საშიშრად მივარდნილ კედლებითეს სახლი მაგონებს დაწყევლილ სამარეს:აქ მკვდრები დაქრიან ზღაპრული რაშებით და ბედის ეტლებით,რომელთაც ჰაერი სიკვდილით დაფარეს.თეთრი კვამლი ზღაპრების,ამართული კანკელი.მესმის ამ გამძაფრებისწამწამების კანკალი.ქალთა ხმაში ფარულიყვავილები სუროთი,თოვლის ფერ-უმარული -გაფითრების სურათი!და თვალების წყვდიადიდა სიცილის ფერება -როგორც ყრუ ბაიათი -ფიფქით დამემტერება.ოჰ! ვიცი: სიცივიდანტერფამდე ვარ: დიდება!მასთან ალებს მივიტან,ვეტყვი... არდარიდება!ვიცი: ფრთასაც ვერ ახებსიდუმალად ბეჯითი,თითების გრძელ ზამბახებსდაჩრდილული ბეჭედი.ლანდივით მაქვს ნახულიბეჭდის თვალში მოლები:მოტეხილი ზაფხულიდა ოხვრის პაროლები.წმინდაო, დამიცევ! სუროში საშიშრად მივარდნილ კედლებითეს სახლი მაგონებს დაწყევლილ სამარეს:აქ მკვდრები დაქრიან ზღაპრული რაშებით და ბედის ეტლებით,რომელთაც ჰაერი სიკვდილით დაფარეს.დარბაზში ისმოდა: დომინო! დომინო!გამოჩნდა დ ო მ ი ნ ო.
1916
გალაკტიონ ტაბიძე

ავტორი

გალაკტიონ ტაბიძე 1891–1959

გალაკტიონ ტაბიძე (* 17 ნოემბერი, 1891, ვანის რაიონის სოფ. ჭყვიში ― † 17 მარტი, 1959, თბილისი), ქართველი პოეტი და საზოგადო მოღვაწე, საქართველოს სახალხო პოეტი (1933), საქართველოს მეცნიერებათა აკადემიის აკადემიკოსი (1944), XX საუკუნის ქართული პოეზიის ერთ-ერთი უდიდესი წარმომადგენელი, ლიტერატურული დაჯგუფების "ცისფერი ყანწები" ერთ-ერთი ლიდერი. პოეტის მამა -…

ყველა ნაწარმოები (1764) →

გალაკტიონ ტაბიძე: სხვა ნაწარმოებები

მსგავსი ნაწარმოებები

დესპანი