↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

მუხა და მეხი

გიორგი ლეონიძე 1899–1966

2009-09-131 წთ საკითხავი19197 ნახვა

—
უცებ მოსწყდა ნაპირთან, -
დაისარტყლა, გაფითრდა
დიდროვანი ღრუბელი, თითქოს რკინის ნახარში,
ყაყაჩოსფრად მახვილი
მუხას დაუპრიალა,
დაჰკრა ზურგის ბაწარში!
მეხმა მუხა გახარა,
აშიშინა ხორცივით
და გაჟღლილი ქერქები სხვა ხეებს მიაყარა
გასროლილი, ტყორცნილი...
მუხას წყალი ჩამოსდის,
ტყავგახდილს და გალოპრილს;
მუხის შავი კარავი ნატუსალმა გატრუსა,
ჰგავდა მუხა დამფრთხალი
ბუღას დანადარტყმულსა!
ჩადგა დიდი სიჩუმე... მუხამ შეიშრიალა.
თმა, გულღვიძლი, სიცოცხლის
ცეცხლებს დააწეწინა.
იწყებოდა რიჟრაჟი...
მეხს კი წყნარად ეძინა
ამოკაწრულ მიწაში...
1934
გიორგი ლეონიძე

ავტორი

გიორგი ლეონიძე 1899–1966

გიორგი ლეონიძე დაიბადა 1899 წ. სოფელ პატარძეულში (საგარეჯოს რაიონი). 1918 წ. დაამთავრა თბილისის სასულიერო სემინარია, სწავლობდა თბილისის ახალგაზრდულ ქართულ უნივერსიტეტში.

ყველა ნაწარმოები (303) →

გიორგი ლეონიძე: სხვა ნაწარმოებები

მსგავსი ნაწარმოებები

დესპანი