↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

მასკები კარნავალში

კარმელი შალვა

2026-07-181 წთ საკითხავი4457 ნახვა

—
მხრებზე მოიგდეს აჩრდილებმა წამოსასხამი.
ქართულ ჯირითში მოიარეს ყველა ტოტები.
კვლავ გარეტებას მთვარეები ღვრიან... ასხამენ...
და კვლავ მოქრიან თავგანწირვით დონ-კიხოტები!
ჭრელ არლეკინთან კოლომბინამ რომ იცბიეროს,
ჩაიცვამს ნიღაბს სარკეებში მისი პროფილი.
თეთრ ბალახონით გადაიყვანს მთვარე პიეროს
და მეოცნებეს შეუყეფებს მეფისტოფელი.
ამ აჯანყებულ საღამოში იმუქრებიან:
ძველი ჩონჩხები ჩირაღდნებით გაშლილ მდელოზე...
ჩნდებიან ხმლებით ჰამლეტები და კვლავ ქრებიან...
და ფიქრებია წელგაფატრულ შავ ოტელოზე!..
აპარებს დანას თავისმკვლელი... ვიღაც მტყუანი...
შიში მხიარულ გაგიჟებით და კარნავალი...
დაითრევს ქალებს საროსკიპოდ თვით დონ-ჟუანი...
ცოცხლებში მკვდარი გაერევა უფრო მრავალი!..
მაგრამ გრიგალი წამოუშენს სტუმრებს რაპირებს.
აჩეხილ ნიღაბს ყრუდ ფატრავენ უსახლკარონი.
გაშიშვლებულნი ასხდებიან სტიქსის ნაპირებს
და უმადურად გადაზიდავს ყველას ხარონი.

კარმელი შალვა: სხვა ნაწარმოებები

მსგავსი ნაწარმოებები

დესპანი